حسين آباد1: حيدرآباد شهر جو هڪ پراڻو علائقو آهي، جيڪو حيدرآباد جي اولهه ۾ سنڌو درياهه جي ڪناري تي آباد آهي. هن جو شمار سنڌ جي وڏن بندرن ۾ ٿيندو هو. هن علائقي جو پراڻو نالو ’گدو بندر‘ هو، جيڪو ديوان گدو مل جي نالي پويان رکيو ويو هو. پاڪستان ٺهڻ کان پوءِ هن جو نالو گدو بندر مان ڦيرائي حسين آباد رکيو ويو. اڄ به هن علائقي جي اهم چوراهي کي گدو چوڪ جي نالي سان سڏيو وڃي ٿو. هن علائقي ۾ پاڪستان جي سڀ کان وڏي نفسياتي مريضن جي اسپتال (گدو اسپتال) واقع آهي. حسين آباد واري بند وٽان ئي 1921ع ۾ بنگالي زبان جي نامور شاعر ٽئگور سنڌوءَ جو نظارو ڪيو هو. اديب ۽ تعليمدان قلندر شاهه لڪياري، غلام حسين پٺاڻ ۽ ناميارو اديب ولي رام ولڀ حسين آباد ۾ رهائش پذير آهن